<p style="text-align: justify; ">(कुल-जेन्शिएनेसी). सु. १०–२२ सेंमी. उंचीच्या या लहान पण आकर्षक व वर्षायू (एक वर्ष जगणाऱ्या) ओषधीचा प्रसार भारतात पश्चिम द्वीपकल्पात, सामान्यत: गवताळ रानात सर्वत्र आहे. खोड चौकोनी; पाने साधी, लहान, समोरासमोर, पातळ, खालची रेषाकृती व वरची भाल्यासारखी, बिनदेठाची; फुले निळसर, जांभळट, लहान व शोभादायक असून विरळ वल्लरीत ऑगस्ट-डिसेंबरमध्ये येतात. संदले चार, पातळ व सपक्ष; प्रदले चार, खाली जुळलेली, वर पसरट व गोलसर; केसरदले चार; परागकोश पिवळे व टोकाशी तडकून परागकण बाहेर येतात [फूल]; बोंड तडकून दोन शकले होतात व अनेक बारीक बिया बाहेर पडतात. बागेत लावण्यास चांगली.</p> <p style="text-align: justify; ">लेखक : ज. वि. जमदाडे</p> <p style="text-align: justify; ">माहिती स्रोत : <a class="external-link" href="https://marathivishwakosh.maharashtra.gov.in/khandas/khand2/index.php?option=com_content&view=article&id=5372" target="_blank" title=" एक्झॅकम प्युलिलम">मराठी विश्वकोश</a></p> <p style="text-align: justify; "> </p>