পোর্টেবিলিটি হায়বসি করিনো? পোর্টেবিলিটি হায়বসি নিংবা থুংদ্রবা কষ্টমরশীংনা মহাক্না অপাম্বা দিষ্ট্রিব্যুটর অমদা, ইন্দিয়ান ওইল, HPC অমসুং BPCগী দিষ্ট্রিব্যুটরশীংগী ক্লষ্টর অমগী মনুংদা হোংদোকপা য়াবগী ওপশন অদুবুনি। কষ্টমর অদুনা হোংদোক-হোংজিন তৌবা য়াবগী ওপশন অসিনা দিষ্ট্রিব্যুটরশীংবু থবক ফজনা তৌহল্লি অমসুং মসিনা কষ্টমরশীংদা পিরিবা সর্ভিস অদু হেন্না ফগৎহল্লি। কষ্টমর অদুনা মহাক্কী এপ্লিকেসন অদু পোর্টেলগী খুত্থাংদা সবমিট তৌগদবনি, অমদি পেরেন্ট দিষ্ট্রিব্যুটর অদু অয়াবা (কন্সেন্ট) য়াউদ্রবসু মদু মশা মথন্তা ত্রান্সফরগী প্রোসেস অমদা ওন্থোকচখিগনি। মদুগী মতুংদা কষ্টমর অদুনা, অকক্নবা মতম অমগী মনুংদা অনৌবা দিষ্ট্রিব্যুটরশিপ অদুদা দোক্যুমেন্টেসন লোয়শিনবা য়াগনি। প্রোসেস অসিনা, দিষ্ট্রিব্যুটর অদুদা ত্রান্সফর রিক্বেষ্ট অমগীদমক্তা মশা চৎপগী মথৌ তারম্বদু লৈহন্দ্রে। প্রোসেস (Process) পোর্টেবিলিটিগীদমক রেজিষ্টর তৌনবা, কঞ্জ্যুমরশীংনা মখাদা পিরিবশীংসি পাংথোকপা চংই: My LPG.in দা চংবীয়ু অমসুং নহাক্কী কম্পনি অদু খনবীয়ু। করিগুম্বা হান্ননা রেজিষ্টর তৌদ্রিবা ওইরবদি, সাইট অদুদা রেজিষ্টর তৌবীয়ু। ক্লষ্টর অদুদা ফংলিবা দিষ্ট্রিব্যুটরশীং অমসুং রিফিল দেলিভরি পর্ফোমেন্সকী (5 ষ্টার- এক্সেলেন্ট, 4 ষ্টার- গুদ, 3 ষ্টার- এভরেজ, 2 ষ্টার- এভরেজগী মখা অমসুং 1 ষ্টার- পোর) মখোয়গী ষ্টার রেটিং অদু য়েংউ। ক্লষ্টর অদুদগী নহাক্কী অপাম্বা দিষ্ট্রিব্যুটর অদু খল্লু। মদুগী মতুংদা রেজিষ্ট্রেসন অদু কনফার্ম তৌবা অমসুং প্রোসিদ্যুওরগী অকুপ্পা মরোল তাকপা ই-মেইল অমা ফংগনি। ইন্ত্রা-কম্পনি (চপ মান্নবা কম্পনি) পোর্টেবিলিটি রিক্বেষ্ট ওইরবদি, ই-মেইল অদুগী কোপি অদুগা লোয়ননা অনৌবা দিষ্ট্রিব্যুটর অদুদা চৎলুরগা মীং চল্লুবখক মথৌ তাগনি। ইন্টর-কম্পনি (তোঙানবা কম্পনি) ত্রান্সফর ওইরবদি, ইক্যুইপমেন্ট অদু কম্পনি অমগা কম্পনি অমগা চান্নদবা মরম্না, নহাক্না হৌজিক লৈরিবা দিষ্ট্রিব্যুটর অদুদা চত্তুনা সিলিন্দর অমসুং প্রেসর রিগুলেটর অদু সরেন্দর তৌবা, রিফন্দ/ ত্রান্সফর দোক্যুমেন্ট লৌবা মথৌ তাই, অমদি মদুগী মতুংদা নহাক্না খল্লিবা দিষ্ট্রিব্যুটর অদুদা হান্নগুম্না চপ মান্নবা দিপোজিট অদু পীদুনা রিকনেক্সন তৌহনগদবনি। পোর্টেবিলিটি স্কিমগী মখাদা কনেক্সন ত্রান্সফর তৌবগীদমক ত্রান্সফর ফী নত্ত্রগা অহেনবা সেক্যুরিটি দিপোজিট অমত্তা লৌরোই। কষ্টমর অমনা মহাক্কী অপাম্বা দিষ্ট্রিব্যুটর অদুদা হোংদোকপা মতমদা খুদোংচাদবা অমত্তা লৈহন্দনবা এসকালেসন মেত্রিক্সকা লোয়নবা পোর্টেবিলিটি রিক্বেষ্টকী প্রোএক্টিভ ইলেক্ত্রোনিক ত্রেক্কিং অমসুং মদুবু ক্লোজর তৌবসি মওং চুম্না পাংথোক্লি। সোর্স : My LPG.in